jeewan...1 anokha magar sach

Aaj subah ek chidiya ped par baith
sustane lagi.
"Bahut door se ud ke aayi ho kya?"
maine pucha.
" Haan zara door se aayi hun. Tum
kaun ho?? "
'Mai kaun hun??' en shabdon ne
mujhe apne swaroop ka punah
ankalan karne ke liye vivash kar
diya. Mai isi ped ka ek patta hun,
jo aaj peela ho chuka hun.
Tabhi ek patte ke girne ki awaz se
meri tandra (soch ki awastha)
tooti. " Yeh hun mai " maine us
patte ki ore ishara kiya jo dharti
se mil chuka tha.
"Yeh!!!!!" chidiya chaunkate hue
boli.
" Han....ab se kuch der baad mai
bhi aise hi gir jaunga."
"Kya sabhi ke saath aisa hota
hai??". chidiya boli.
"Han..bahut samay ho gaya, apr
lagta hai jaise kal ki hi baat hai.
Tab dharti ne kohre ki chadar utar
kar, basant ki saari pehni thi. Har
budha patta yuhi toot kar dharti
pe gir raha tha. Tab mai naya tha.
Ek kopal phuti aur maine ankh
kholi. Yeh jeevan anmol hota hai,
ek pal mai beet jata hai. Tab sabhi
mujhe khilate the, aur mai sochta
ki yeh pal tham jayein, par haath
mai kuch nahi hota ."
" Dheere dheere mai badhne
laga....Ab mera kaam auron ko
bhojan karana tha. Mai subah
sathiyon ke saath uthata, hawa se
khelta, apna kaam karta, bhojan
bana kar (photosynthesis ) ped
ko deta, raat ko thak ke so
jata.mahine beet gaye. Ab phir
dharti ne khore ki chadar utar di
hai. Mai budha ho chuka
hun....mera kaam poora ho gaya."
Chidiya ne poocha " tum wapis
nahi aaoge?? "
Mai muskurane laga " Han
aunga..jab patta koi mujhe yaad
karega to mai oos ban ke us par
bikhar jaunga. Jab koi kopal
phutegi to hawa ka sparsh ban ke
use sehlaunga. Kitne hi patte
bikhar jate hain...kitni baatein wo
kehna chahte hain par koi sun ne
wala nahi hota. Tumne meri baat
suni, shukriya. Khair ab mai chata
hun................. "
"Samajh gayi...yeh jeevan hai. Aaj
hum hai..kal koi aur aaega." Weh
boli.
Chidiya ki ankhon se do boond
ansu mujh par gir pade...mai bas
nistej sa muskura diya. Aur khud
ko is hawa ke hawale kar diya...

0 comments:

Post a Comment